Rasmiy Axborot | O‘zbekiston Yangiliklari

⚡️ Mahalla farovonligi — bandlik va daromaddan boshlanadi 🔷«Aloqabank» Boshqaruvi raisi Qarshi shahridagi Cho‘lquvar va Arabxona mahallalarida bo‘lib, «mahalla yettiligi» vakillari bilan uchrashdi. 🔷Muloqotda mahallalarni ishsizlik va kambag‘allikdan xoli hududga aylantirish bo‘yicha ustuvor vazifalar muhokama qilindi. Xususan, ishsiz fuqarolarni ularning qiziqishi va ko‘nikmalaridan kelib chiqib kasb-hunarga o‘qitish, tadbirkorlikka jalb etish hamda istiqbolli loyihalarini moliyaviy qo‘llab-quvvatlash masalalariga e’tibor qaratildi. 🔷Shuningdek, «mahalla yettiligi» bilan hamkorlikda aholi daromadlarini oshirishga qaratilgan aniq «yo‘l xaritalari»ni amalga oshirish, tashabbuslarni moliyalashtirishni jadallashtirish bo‘yicha mas’ullarga ko‘rsatmalar berildi. Asosiy maqsad — har bir mahallada aholi uchun barqaror daromad manbalari va yangi imkoniyatlar yaratish. https://t.me/Rasmiy_axborot_official

✅ Senat lotin alifbosidagi to‘rtta harfni o‘zgartirishni ma’qulladi 🟢Oliy Majlis Senati lotin yozuviga asoslangan o‘zbek alifbosiga o‘zgartirish kiritishni nazarda tutuvchi qonunni ma’qulladi. 🟢Unga ko‘ra, alifbodagi to‘rtta harf quyidagicha o‘zgartirilishi ko‘zda tutilgan: G‘ g‘ → Ğ ğ O‘ o‘ → Ö ö Sh sh → Ş ş Ch ch → Ç ç 🟢Qonun kuchga kirguniga qadar amaldagi alifbo asosida rasmiylashtirilgan hujjatlar, milliy valyuta va qimmatli qog‘ozlar muomalada qoladi. 🟢Davlat organlari va tashkilotlarining ramziy belgilari, peshlavha hamda ko‘rsatkichlaridan esa ular yaroqsiz holga kelguniga qadar yoki belgilangan muddatgacha foydalanishga ruxsat beriladi. https://t.me/Rasmiy_axborot_official

📢 O‘zbekiston Respublikasi Prezidentining farmoni bilan O‘zbekiston Respublikasi Prezidenti Administratsiyasi Rahbari Saida Shavkatovna Mirziyoyeva hozirgi lavozimi bilan o‘rindoshlik asosida Toshkent xalqaro moliya markazi boshqaruvchisi lavozimiga tayinlandi. 📌 Boshqaruvchi Moliya markazi kengashining Bosh kotibi hisoblanadi, kun tartibini shakllantirishni tashkil etadi, rais qatnashmagan majlislarda ularga raislik qiladi. ➡️Moliya markazi faoliyatini yo‘lga qo‘yishni muvofiqlashtirish boshqaruvchi faoliyatining muhim yo‘nalishlaridan biri bo‘ladi. Birinchi navbatdagi hujjatlarni tayyorlash, davlat organlari va Markaz tuzilmalari o‘rtasidagi hamkorlikni yo‘lga qo‘yish shular jumlasidan. ➡️Shuningdek, Moliya markazi nomidan O‘zbekistonda va xorijda xalqaro tashkilotlar, investorlar hamda hamkorlar bilan munosabatlarda Markazga vakillik qilish, kadrlar bo‘yicha qarorlar qabul qilishda ishtirok etish, jumladan, Moliya markazi ma’muriyatining ijrochi direktorini va uning o‘rinbosarlarini tayinlash, Moliyaviy xizmatlar boshqarmasi rahbariyati bo‘yicha tavsiyalar kiritish ham boshqaruvchining muhim funksiyalari sirasiga kiradi. 📌 Boshqaruvchi, shuningdek, bitimlar tuzish, ishchi guruhlar tashkil etish va ekspertlarni jalb qilish huquqiga ega. https://t.me/Rasmiy_axborot_official