Sherzod Shermatov ✔ | Business Insights

Ҳурматли Президентимизнинг “Битта қизни ўқитсак, бутун оилани ўқитган бўламиз. Оила билимли, маърифатли бўлса, бутун жамият билимли, маърифатли бўлади!” деган сўзлари қанчалик тўғри эканлигини айниқса қизи бор оталар яхши ҳис қилишади. Бу ой қувончли хабарларга бой бўлди. Яқинда иккинчи қизим ҳам бакалавр дипломига эга бўлди. Ундан аввалроқ турмуш қуриб фарзандли бўлган катта қизим магистратурага муваффақиятли қабул қилинганди. Қизим Аълохонга ҳам опасига ўхшаб бахтли оила қуриб, ўқиш ва изланишдан тўхтамаслигини тилайман! Барча ота-оналарга ўз фарзандлари бахтини кўриб юриш насиб қилсин!

Мустақиллигимизнинг 35 йиллигига Марҳамат туманида ўзига хос байрам совғаси бўлди. АҚШдаги Ватандошимиз Акмал Жумабоев томонидан ўзи туғилиб ўсган туманига $6,5 млн.лик сармоя киритилиб, замонавий масофавий хизматлар маркази биноси ишга туширилди. Ушбу лойиҳани Президентимизнинг тадбиркорларни қўллаш ҳамда Ватандошларимизни ўз юртига сармоя киритишга кўмаклашиш бўйича сиёсатларининг яққол намунаси сифатида оддий бир ҳолат мисолида ҳам кўрсатса бўлади. Президентимиз топшириқларига кўра барча даражадаги раҳбарлар жойларга бориб тадбиркорлар билан учрашиб, уларни фаолиятини ривожлантиришга кўмаклашишлари одатга айланган. Ўша вақтда IT Park резиденти Ershi Logistics асосчиси ушбу лойиҳани амалга ошириш учун прокуратурага тегишли бинони бошқа ҳудудга кўчириб бериш таклифини берганди. Бу ҳақда ўша вақт ҳудудга борган Бош прокуроримиздан рухсат сўрагандик, дарров қўллаб ҳужжатларни расмийлаштиришга топшириқ берганлари сабабли, тадбиркорга ушбу бинони аҳоли учун қулайроқ жойга қуриш имконияти яратилганди. Нафақат 35 йил олдин, хатто 10 йил олдин ҳам АҚШдаги Ватандошимиз ўз юртига келиб бемалол шунча маблағни ишониб инвестиция қилиши ва қўрқмай прокуратура биносини жойини сўрашини умуман хаёлга ҳам келтириб бўлмасди. PS. Барча туманлардаги ҳокимларимизнинг соҳамиз бўйича маслаҳатчиларига ушбу ҳолат намуна сифатида хизмат қилиши керак. Ҳар бир ҳудуддан четга кетган, ҳозир эса ўз юртига сармоя киритиб масофавий ишчи ўринлари яратмоқчи бўлган Ватандошларимизни топишга ҳаракат қилиб, уларга кўмаклашишлари зарур. IT Park резиденти бўлса 2040 йилгача солиқлардан енгиллик бўлишини тушунтириб, ер олиш ёки бошқа жойлардаги масалалари бўлса туман ҳокимига хабар бериб, тадбиркорга ёрдам берсалар ўша туманларда юқори даромадли ишчи ўринларини кўпайишига хисса қўшадилар. #Mustaqillik35 #Uzb35

Toshkent Markaziy Osiyoning startap poytaxtiga aylanmoqda! Reytingda ko’rsatilgan Markaziy Osiyodagi 13 ta shahardan 10 tasi aynan O’zbekistonniki ekanligi startap ekotizimi nafaqat poytaxtda, balki barcha hududlarda ham tez o’sayotganidan dalolat beradi. Shuning uchun ham O'zbekiston “Yil davlati” deb e’tirof etildi. Toshkent StartupBlink reytingida 121 pog'onaga yuqorilab, 229-o'rinni egalladi. 155,7% lik o'sish bilan mintaqada 1-o'rinni egalladi va Markaziy Osiyoda yetakchi startap markazi ekanligini yana bir bor isbotladi. Yoshlar, endi navbat sizda! Ushbu natijalar ortida minglab yosh tadbirkorlarning mehnati turibdi - va siz ham ular qatoriga qo'shilishingiz mumkin. "President Tech Awards" va "President AI Award" doirasida ajratilgan 6 million dollarlik mablag'dan foydalaning: https://awards.gov.uz Biznesingizni "IT Park Uzbekistan" bilan birga kengaytiring - ekotizim tayyor. Bugunoq Startapbase.uz orqali bizga qo'shiling! #Mustaqillik35 #Uzb35